اليوم جايب لكم
مجموعة من الأمثال المغربية
وهي بحر لاحدود له
يالله نبدأ باسم الله
ونقوووووووووووووول
ثلاثة من علامات لهبال
الغادي لسوق بلا مال والغادي للبير بلا حبال والجالس وسط الجماعة وما رادش البال
وثلاثة من علامات العذاب
الركاد في الجلاب
والشريب من فم القراب والزواج من بنت لكلاب
-من دار العرس ما نخرج انا الى بزمو هوما نضحك انا
- الفم ما بقات فيه حتى سنة وما بغا يتهنا
-رزقي ما بقى ووجهي ما تنقى
-بات في الدباغ صبح قربة
-الولد لباه والصقول لمن رباه
-الخال خالي من ولاد ختو والعم عمى على ولاد خوه
-مبرد مع مبرد يعلم قلة العرض
-مع من شفتك شبهتك
-الله ينجيك من المشتاق الى فاق ومن البايرة الى ضربت الصداق ومن الضعيف الى ربى الساق
-ولد السبع سبع ماحدو يكبر وهو تيخلع وولد الضبع ضبع تسخرو امو يجيب لخميرة يجيب الشمع
-لي ما عندو هم تولدو ليه حمارتو
-لي ما عندو لعسل في دارو يكون على طرف لسانو
-لي ما عندو ما يشد يشد فمو
-الدليل في الرجال هو الي كيعطي الضحك للجار والهم للدار
-ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
-بنادم يا كحل الراس يا خايب الطبيعة اللبس لبس المسلمين والقلب فيه خديعة
-الرجال بالهمة اما اللحية راها حتى عند العتروس
-مول التاج ومحتاج
-رمي الهم في الشبكة شي يطيح شي يبقى
-الى عطاك العاطي ما تحرث ما تواطي
البقية تأتي إنشاء الله
ولي عندو مثل يحطو في هاته الصفحة
كونك أحد أعضاء هذا المنتدى فأنت مؤتمن ولك حقوق وعليك واجبات
2/3/2010, 4:36 pm
